蔡氏夫婦＠銅鑼灣年宵

今日老公唔駛返學，所以佢放工就黎荃灣接我，些些嘉嘉陪我等老公！
之後佢話不如襯天氣熱去行花市先，如果年三十晚佢話好有機會落雨，梗係好啦，二話不說就渣車去左銅鑼灣，點知人多車多，幾本上交通係水洩不通，所以我地就選擇左泊左響灣仔，行去銅鑼灣就算啦～
早幾日同老公行街，已經話想試呢個維他命水，點知行下行下先到有呢個vending machine，二話不說就買左個fruit punch味黎飲，就係水中加一點juicy味，唔係好甜，呢個係我好喜歡既一個原因！

入到去，今年好特別既係一入去第一檔係砵仔王，所以我地就買左砵仔糕，好味。
不過今年既年宵唔係好特別，無咩買得到，最後只係響一個Holy Duck既檔買左一個鴨仔浴仔帽，其他就好似之前都見過，無咩特別咁，買完行左一陣就走～

今年好熱，所以好多花都開得好快，無論係桃花同埋水仙都開曬，呢家睇就靚，不過如果係花店既人，就慘啦～

祝未有桃花既人，就桃花來臨，找到自己最愛
已有另一半情人既，就祝您地快快拉埋天窗
已經有老公/老婆既，就快快生個小寶寶
已經有寶寶既，就祝寶寶快高長大！