922 - 天兔前的iPhone 5s

天兔來勢兇兇，其實講真，每次出iphone都有太多不愉快既經歷。等得耐同CS差可算係最常見。

所以之前我已經問定有無得揀時段，你比timeslot我，好過所有人一窩峰同一時間上去，特別係將。會。打。風。

回覆卻竟然係...如果響指定日子唔出機，就會無左個quota。

😡😡😡😡😡

我完全嬲到噴火，幸好，後尾我醒水，費事嘈叫佢搵第二個覆我，又話無事。

既然無得揀，我都係選擇響佢一開門就出去整，費事影響兩個細既晏覺。

自己一個坐火車，呀...原來好耐無試過。

出到去，估唔到...

😱😱😱😱

矛人。

係職員等我，馬上有得埋去，馬上有得出機。我仲遇著個好好禮貌既男仔，服務很稱心。

唔駛半粒鐘...

到手😊😊😊😊

點解唔放？

你問我，炒到萬幾蚊，真係心動過。

但...

我上Apple 訂唔返亦唔知幾時有...

早買早享受！

加上開左機又無咁高價。

咁早收機既又未開門...

我預繳又只係$900

種種原因之下我決定...

自用

去買貼時，途人羨慕既目光...

我自己揸上手種興奮...

抵抵抵。