我既舊同事響whatsapp group 度傾開，話估唔到我會唔做嘢全職湊仔，話我性格唔似。
都係既，我係一個比人感覺拼命向上爬既人，話停落嚟做ftm, 其實連我自己開頭都有掙扎。最主要原因咪係我唔信工人，而我99同媽咪都係返工人仕，與其擔心比外人湊，不如自己一手一腳，唔駛諗點教點磨合。
呢3年我每日都係同個仔一齊過，當然仲有之後多埋妹妹啦。幸好既係，哥哥真係呢家諗返算易湊，妹妹惡湊既日子又好似遠左。但講真，你估真係三頭六臂咩？所以有時都有好唔開心好氣餒既時候，成日諗點解唔請工人？
有時一路煮飯佢地一路扭計真係覺得好煩，點解唔可以自己玩呢？
但睇住佢地大，自己負責返佢地既成長，我覺得好重要。
今日接仔放學，見到佢笑住咁落車，ee同我講佢好乖，摺左把紙槍比佢，我幾開心！
沒有留言:
張貼留言