914 - Dabi B人生第一份功課

今日旻希學畫畫，上星期同Miss Leung講過想畫毛毛，無諗過佢真係安排到。

上次畫大眼仔，旻希已經好開心，今次畫毛毛，仲有旻字牌月餅， 佢係咁叫我返屋企貼起佢。一家團聚。

R喂跟住佢人生既第一份功課亦都出現了！

老師話今年課程深左早左開始，所以一返學已經有功課。不過寫字練習就會11月先開始，叫我都唔駛太擔心。

嘻嘻，我唔係擔心，係剪章。。。

佢既功課咪即係我既功課，幸好見到旻希都好留心咁聽我講，之後做。

剪剪貼貼油顏色

佢每一份每一part都堅持自己做。

見佢油顏色已經唔係烏里馬叉，好有規律唔想自己油出界，係。。。好嚴謹！

用左半個鐘，完成！

我諗進步最快既唔係旻希，係響身邊不停叫要一齊做既小欣希妹妹。