926 - 我的第一份親子勞作

其實我唔覺得呢份叫功課，因為可整可唔整，呢間學校好，基本上旻希成個n班都無功課，什麼聖誕中秋新年，我都係高高興興睇佢放學拎住個製成品回家，未聽過親子功課。

呢點好重要，因為學校深明親子即係家長功課呢一個point係好緊要。

聽日旻希開生日會，佢地每次都有主題，而你配合到既可以著，配合唔到既，你可以著便服就得！

今次主題係：帽子派對

聽落好似好簡單，戴頂帽咪得！

原來係要：與孩子一同設計及創作一頂特色帽子！

我一直都諗住唔整就算...

但...

今日有時間喎！

帶住妹妹坐車去中南掃貨，再趕返黎接放學！

瞓醒晏覺就開工！

用左幾粒鐘，中途煮下飯，食下飯，旻希又幫下手...

終於...

旻希話：頂Mickey 帽好靚喎！

有時，聽到呢d說話，整得幾趕幾辛苦都抵曬！