918 - 迎月夜

今日迎月夜，我地繼續慶祝做節！

尋晚煮完大龍鳳實在怕怕，所以今日改唔煮，去左呼吸食。

點知6點幾行緊去時，見到呢個又園又大既月亮。

我老公一向好鍾情月亮，見到呢個有少少雲遮住既，好淒美！

真係好大個！

自己一家四口好難影到呢類相，我99好鍾意影相，capture the moment好重要。

我認，囡真係好嗲，就連我都好易被俘虜，何況佢爸爸！

之後應承旻希去樂園玩，其實唔計餵食，佢兩個真係好多時都好乖。

呢個珍寶豬機，已經唔止吸引我一次，佢任玩60秒，我諗點都中卦？

今日咁齊人，我嗲我老公比我玩，佢聽到6個幣一次都嘩架，不過我想玩嘛。

開頭唔識，真係不極都無。。。想話呃錢。。。

點知。。。

玩左兩有3枝諗住都收手，又見下一次有機跌喎，咪再玩多次。

結果跌多7枝，共10枝珍寶樹到手。

勁開心勁興奮。

同場加映

旻希學校今日整左呢個佢話既MIckey燈籠。

佢一落校車已經係咁叫我睇。

跟住就叫我，話係送比妹妹。

我問佢，咁你咪無囉？

佢答我：唔係，我有大眼仔呀嘛！

見佢事事都諗起妹妹，就已足夠！