回到未嫁時
姊妹裙係我搞我既婚禮之中第一樣亦都係唯一一樣令我嬲到企響人地門口勁鬧勁唱衰佢既item，點解？
話說我當時join顯卓係識個sales，之後佢無做，幫我跟service個人已經超差；之後響揀姊妹裙時，見到佢又為左呢個sales膽粗粗咁join，佢仲話會幫我跟足。又係咁樣錯誤落搭，唉.....
本應以為自己揀貴野，都成3未頭一條，唔會出事既，點知....
<第一次fitting>
第一次帶成班姊妹去試(我既姊妹都係工作狂，要特登個日唔OT黎試)，點知裙係起左貨，11月尾，但完全唔係成品，首先佢話太多人，叫我地上8樓fitting先，有一個老亞姐黎serve我地，佢話就話識吉針，點知吉到自己都唔知，成手流曬血，仲流到去我地條姊妹裙度，「下！」
落到去，另外個姐姐就針都唔吉，就咁響我既姊妹胸、腰、pat位用手拉下，就自己話一吋兩吋咁，之後又唔寫低，仲問返我既姊妹頭先講咩，大佬呀，想點呀？
<第二次fitting>
好啦，佢話改蝴蝶結腰間條紅帶，要用左幾日，就要響12月初，好啦～咁我地就即管等佢，又再約OT既姊妹去fitting，點知我既姊妹，一句講曬，應該放既收左，應該收既放左，分分鐘佢地話應該交換條裙先岩，想點？好，比多次機會佢，佢話12月中一定改好比我地。
<第三次fitting>
去試都唔知出事，點知，著上身，成條裙係唔服架囉！內裡入面既布係完全收完就無剪過，之後話因為您可以隨時放返；拉返條裙去睇，條線唔係直架囉～
我已經火滾到極點，但佢仲覺得自己無問題，一D錯都無，唔好意思又唔講(btw今日個老細Sweet仲響到)，佢仲夠膽死話係12月比較忙，所以趕比您已經好唔話得。之後個女仔話，一係我地唔收您$，不過係比返曬d裙佢，下，咁我得個幾日，可以去邊搵姊妹裙呢？咁您都講得出？
佢無意思想幫我改咁，我同班姊妹已經好嬲，喂，比咁貴都係想有好野著jeh，咁好啦～我地試下去其他姊妹裙睇下，當然，大家12月order已經full曬，點趕都趕唔到比我～
又落返Sweet睇，我地話都係攞條裙，咁之但係問佢係咩價位比我，佢話只可以keep返原價比我。
真係您無野嘛，我要自己比＄出去改，我同佢講，出去改裙都係錢啦，佢問返我轉頭，改得要幾多錢呀？我話都成百蚊，佢竟然答我：您要去咁貴既地方改裙我無辦法架喎，總之您要就要，唔要就留低D裙比返佢地。
好嬲好嬲，打比個sales - Irene問下乜料，佢仲話個老闆唔會咁唔幫手，佢幫我傾完，就每條裙平左$30咁大把比我。
雖然好嬲，但時間真係有限，已經唔可以比我有咁多選擇，基本上係無～
結果放低錢，響佢門口好大聲咁話：「您咁想要錢，我當施捨比您囉！」
當然有好多揀衫既姊妹望住我地，但我地就係唔想咁多無辜既人上當。
呢件係我搞婚禮當中唯一一個污點，真係堅嬲。平時已經知姊妹裙呢件事，好想人都會收罪，但諗住自己比貴d會無事，都一樣。姊妹3次fitting都算，仲要自己攞去改，我真係覺得好唔好意思。
呢條就係當日條裙，由於好多改裙既都話返比佢地知條裙因為太重，一定唔可以唔用吊帶，即係又比間野呃我啦～
可以既話，真係唔好揀呢間野，又貴又無service，大曬呀？！
評分：
沒有留言:
張貼留言