回到未嫁時
2009年11月15日
我諗唔響呢度講既話，無咩人知，我地兩公婆決定結婚個時，第一日想揀結婚既日子就係2009年11月15日，呢日響2009年黎到講，係好好日。不過由於桃媽一句：「如果您地諗住舅母、yoyo、Gideon返黎飲，您地最好問一問佢地喎！」就係咁，我結婚既日子就推後到12月，有搞結婚經驗既人都知啦，12月係超多人結婚，基本上由星期一至星期日，唔係破日，會都有人結婚，book咩都麻煩，但既然決定左，就揀左12月。
所以過大禮，就好自然響15/11，佢地話今日我同(準)老公唔見得面，又唔可以有男人上黎我地屋企，所以就由嘉嘉、大大同埋DD上黎啦～而威威同哥哥就響屋企樓下等，桃媽知我要落樓下買野，仲特登叫我打比(準)老公唔好入面呢條街住。
上到黎，好似好大陣象咁，我唔知(準)老爺仲買左兩大籃生果，真係開心屎！
雖然好簡單，但又有邊個估到呢樣咁簡單又傳統既野，係我老公話一定要做？
而響電話中，我都感到老公好似有少少緊張。
大大上到黎，話過大禮就名義上我地已經係一家人，同過左門無分別咁講喎！
所以過大禮，就好自然響15/11，佢地話今日我同(準)老公唔見得面，又唔可以有男人上黎我地屋企，所以就由嘉嘉、大大同埋DD上黎啦～而威威同哥哥就響屋企樓下等，桃媽知我要落樓下買野，仲特登叫我打比(準)老公唔好入面呢條街住。
上到黎，好似好大陣象咁，我唔知(準)老爺仲買左兩大籃生果，真係開心屎！
雖然好簡單，但又有邊個估到呢樣咁簡單又傳統既野，係我老公話一定要做？
而響電話中，我都感到老公好似有少少緊張。
大大上到黎，話過大禮就名義上我地已經係一家人，同過左門無分別咁講喎！
夜晚桃爸訂左3圍響屋企樓下，同屋企人食飯，第一日派帖，個個都睇到嘩嘩聲，我都覺得好安心！
夜晚飯好味，最搞笑係爹爹要我地敬酒，咁搞笑？
沒有留言:
張貼留言