你/ 妳要乖乖喲!

你/妳的來臨來得太突然，我和你/
妳的爸爸也不知如何是好，什麼是應該做，什麼是應該避免的，幸好有Tintin告訴我！

今天第一樣要做的，就是去睇醫生，由醫生開醫生証明你是懷孕了！
上班的就可以用這個証明交給HR，至少唔怕比人炒；
唔駛返工既，就可以攞住呢張去政府醫院，等佢地有個record，可以安排您去健康院做檢查！

由於我自己睇開既醫生太遠，一係土瓜灣娘家，一係就大埔，咁咪好遠？
所以就去沙田搵個醫生算，諗住去之前兩個鐘飲定水，可以去到廁所，點知一個鐘之後，就忍唔住要wee-wee，所以唯有再飲。
去到見醫生，醫生就話第一枝棒棒就好弱條線，第二枝先見到好少少，佢話呢d叫weakly positive喎！
好明顯自己飲水多，但唔緊要，諗住我黎呢個西醫，都係想佢開d葉酸比我。
個醫生仲用個好奇怪既眼神問我：「你都係諗住要架啦？」
um...我個樣係細個少少，但有寫我幾多歲架嘛，我唔似未婚媽媽嘛？(我今日出門口前，特登戴左結婚戒指架！)即刻諗起小馬個本書....
已經覺得個醫生流流地，之後佢就話寫醫生紙比我，跟住問佢係咪可以開d葉酸同安胎藥比我，話比佢知我有少少流啡啦，點知佢話呢d要去睇返婦科，如果有流啡，有需要可以去睇急症，咁黎睇佢仲咩？
叫佢開葉酸比我，佢問我：「你有需要咩？」
下，唔係個個大肚婆都要架嘛，我唯有答佢，係呀，我諗每個大肚婆都要架囉！

等攞葉酸，佢開得兩個星期比我，無安胎藥唔緊要，但人人都話比我知，醫生開一個月嘛，點解會開得兩個星期呢？跟住姑娘話問醫生，問完又只係開得28日比我，下，我book左8/4先再睇醫生喎，好啦，佢又話要再問醫生，終於就開左30日比我！(註：因為5mg既葉酸係醫生處方先可以開到)

開到啦～終於～

晚上同桃媽桃爸食飯，老公放學黎車我地返去，老公個架係4坐位，平時，有5個人，我就會坐中間，坐cushion，但今日，老公竟然唔比，要桃爸好辛苦咁坐中間....
老公唔聲唔聲，您真係好鬼緊張我！
多謝你！