你/妳已經來了嗎？

今日一早要起身去考試，雖然身邊的每一個，特別係老公，都叫我要放鬆，唔識咪出返黎囉，又叫我唔駛擔心。不過，可能我一向有考試前恐懼性，又擔心自己係咪Bingo，所以整晚都係訓唔安，坐唔落，好似岩岩訓著，又醒左！
我訓唔著，望個鐘係四點幾，七點多我又起來了，連支持我既老公都起來了！
第一件事，今日睇下姨姨黎左未，仲未？不過計返二月得廿八日，其實又應該仲有幾日先黎喎，不過都試下紅d先啦...點知....
明顯咁睇到比4/3 & 5/3都深色(以下呢張相，因為係放左太耐，所以睇得無咁清楚)

唔通真係中左？諗起台灣那幾天，我地又真係.....

乜都唔理，照去考試先。點知原來地點比我想像中自己要行去仲要遠好多，仲要上山行樓梯，行到我好累好累，我都自己同疑似肚入面既你/妳講，要加油！
入到去，睇到題目，咁深既？特別係有好多terms係我諗澳洲既時候無學過，所以諗住唯有硬著頭皮，將自己識既答左先，吹左兩個鐘，都係決定走人～
因為....好肚餓..... (=.=")

去到灣仔等老公(我可是用行去既方法，真的辛苦你/妳了)，仲去左會展搵桃媽。
去左九記食野，陪老公交埋report，回程我已經響車上訓左！
返到屋企，知道今晚要同桃媽食飯，就即刻同老公訓一陣。

起身準備再去食飯，去廁所都仲係見到自己未黎，就諗住試下用綠d，點知....

有一條好淺好淺既印，我記得之前為左試下綠d同紅d，都玩過，個時仲係白雪雪，咩都無。
唔通真係中左？