回到未嫁時
我相信每個新娘子諗既都係同我一樣，除左要自己靚之餘，您對您Mami & 99既衫既要求一定唔會低，唔會求其，希望個日d人睇到您亞媽，都覺得佢個女係嫁得風風光光！一早為左confirm MOH既衫，因為佢要返澳洲，只可以響舊年(2008年)12月一次過揀曬。
所以好早我已經決定左響邊度租衫比Mami & 99。
(以下相片請勿轉載，只作分享用途)
第一次試衫通常安排響自己結婚之前既6-7個月左右，同自己試衫差唔多時間，我建議比佢地試先過您自己，咁樣您可以知道奶奶地揀咩衫，您自己唔會撞色。
第一次試衫，幸好當日個老闆娘響到，幫我揀左好多靚又岩佢地既衫，無辦法，佢地兩個都唔老，唔駛著到咩兩件頭個d款，而佢地都好滿意。
而伴娘同嘉慧(老公個妹)就分別揀左自己著得舒服同靚既～
而最後試衫，我就揀左響試前1個月左右，我地今次比較尷尬，就係上次confirm既款佢今日唔響到，所以無得試返，亦都唔記得左。
所以最終我Mami就轉左一件，奶奶就兩件轉曬，同時都租多件比嫲嫲，自己就八卦咁試下人地既衫。
當晚個個都讚佢地靚，而我覺得一分錢一分貨，佢地既服務都幾差，貼錢買難受咁樣，如果唔係貪佢平平地，我都唔會join。
不過還衫，佢地都好易話為，唔錯唔錯。
評分：
沒有留言:
張貼留言