法國婚紗攝影@太陽出來了

今日補影法國既公園景，同上次一樣，睇左天氣一個星期，都係擔心左一個星期，因為個個星期都好天，唯獨今個星期日，天文台都係話短暫時間有陽光，有時又話會落雨，真係擔心屎人...

今日都係晨咁早就醒左，真係擔心架喎，都唔知真係大日子個日點算？

今日太陽伯伯同我好得老友，成日都無離開過，一早去到坐左唔夠一分鐘，Ling已經可以幫我化妝，見返佢真係開心屎，佢超好人同超有心機呀～

今日我仲帶左唔同既花比佢做頭花（係繡球花上面既花黎架，佢話唔怕同花球唔同，放上頭都好睇）。

12點開始影，1點多就已經影完，仲係好開心好靚既太陽，辛苦曬大家，要大家特登book一日比我，只係影一個鐘，不過今日咁熱，唔好咁辛苦都好嘛～

偷影唔到件婚衫，只係影到個頭，都好靚啦～

同哥哥玩水池既時候，可以因為太熱，嘩，開心屎，不停踢踢踢，好好反呀～

今次唔同既係我去左有利買左靚靚婚紗鞋，仲有係媽媽去完澳洲，為我同哥哥帶返黎既好靚既結婚公仔，感動ing～

約左下星期揀相，今個星期生日週，無奶油要搞結婚野架嘛．．．呵呵呵～