法國婚紗FB@揀相(成功無放血篇)

大家見到第一次揀相時，其實我真係覺得法國影得好唔錯，無論化妝定係攝影都令我地兩個好滿意，仲要兩樣我地都無加錢book（因為覺得園景個個影都係差唔多），而當然朋友小Joe帶我去book，個sales姐姐話會盡量安排就梗係放心曬啦！

影完去到第一次揀相，我想講，真係好驚放血，因為真係靚到無朋友，滿意既程度簡直就係覺得自己好好彩，由頭到尾我同男朋友都係諗住影兩輯，一輯九寨溝，一輯法國，結果兩輯都係令我地好滿意。

由於其實我都幾擔心入去放血，所以我揀左星期六咁岩可以收九寨溝寄黎既成品，而之後個星期二就去法國揀相，等自己可以勒緊個褲頭做人（多多，我陪您唔到啦！）當然有睇之前個篇九寨溝pre-wedding photo成品就知我九寨收既成品真係既多又靚，搞到我地兩個頭都大埋，都唔知放邊好？

星期二決定帶埋亞妹去揀相，仲好清晰比左個目標係我地只會最多加$2000，乜都要搞掂埋單走人。

一去到Ella都係好好人，但佢見到我地好狠心咁捨棄D相，就知應該說我地唔掂。
Total影左167張相
我地要揀32張相
由於我有選擇困難症，今次揀相，除非我真係好鍾意，否則就由男朋友去睇構圖，亞妹去睇我地個樣靚定唔靚去揀相，成功地，我地揀左32張相。(多多，我對您唔住啦～）

哈哈哈～當然我都係萬般不捨，我搵Ella先幫我處理左d相先，捨棄區既唔好delete住，因為我趕時間，連相版都未攞，相都未揀齊就要閃人。

成功地只係換左長簽名報同埋大相簿（我真係唔係咁鍾意要打橫本相簿又打直本相簿睇，呢點我覺得自己有D任性）。

計劃成功

想睇相要睇下一篇私有化架^^