以為今日會係做Imagary，但去到，佢都係問好多我對呢段婚姻既期盼，問下問下，我就將我有個ｄ擔心話左比佢知，例如我唔知會唔會有機會同嘉嘉地相處唔到，會搵左安傑黎搞，我同哥哥相處之間既問題（例如佢一開口同我唔開心既時候就會講：算啦，您鍾意咁諗就咁諗啦），都未搞我自己屋企個一part都搞左1.5節啦～
好似尋日我響架車度同佢地３個一齊出去食宵夜既時候，我覺得話題上我答唔上，我就覺得自己好似多左出黎咁，之後Grace就同我做左早幾日沙維亞入面，亞Ron做左個練習，佢叫我自己搵左３個選擇，咁個一刻我又明白左我唔能夠迫人地去就我，但我可以自己去點諗令自己舒服左～
另外，佢提議我同哥哥如果有唔開心，佢當然會即刻變左一個小朋友，但我唔會好似亞媽咁拉佢上黎，我可以比佢知道我既感受，又或者問返佢既感受。例如，如果佢真係話我鍾意咁諗就咁諗既時候，我可以先講：「您誤會左我啦，我真係唔係咁既意思，不過唔緊要，我呢一刻反而想知您諗緊咩？您可唔可以同我分享？」如果佢唔ok既話，唔駛迫佢，反而比佢知道I am here就可以....
最重要既係，亞Grace幫我帶出左一個重點，我會響某ｄ情景下面，value得自己好低，自我價值低得好緊要，如果係咁既話，我會好辛苦。佢問我就連同哥哥相處既時候，我會唔會都因為自己成績好過哥哥，擔心佢難受，我話我會（仲忍唔住左兩滴），佢話每個性格既特質都有助力同阻力，佢叫我自己list down一下，令自己了解自己多ｄ～
今日學左寶貴既一課，期待下一堂既Imagary。
沒有留言:
張貼留言