小桃慶生日

今年係小桃未為人妻之前最後一個生日，我一直都估我未來老公唔到佢會比咩驚喜我，因為佢真係太鬼馬啦～

結果尋日上完堂，同未來奶奶食完飯之後，佢送左部 ii 比我，嘩，明明佢要多D架，仲咩無啦啦買比我呢？當然，我係開心到飛起啦！

諗住生日前一日有十派，已經好滿足，點知今日返返下工，仲有電台打黎同我講咁肉麻既說話，已經好夠啦！晚上，佢竟然仲帶左我去洲際食Spoon，可以由天仲光光地，睇到夜晚既景色，lum曬！

最後既驚喜仲係一隻好靚好靚既閃閃錶，嘩～您對我咁好，我無以為報架喎！

每一道菜都好好味，好特別，天公仲造美，響我過左N年既落雨生日之後，今年又唔落雨，睇到靚靚景。

見到有個食唔曬既蛋糕，個經理走埋黎問我地好唔好食？滿唔滿意，我就話分一舊比佢食，點知佢仲送左包古古力比我，呵呵呵，抵～

今年好特別，好開心，出年公眾假期，慘啦，諗死老公囉！

老公，多謝您給我一個咁難忘既生日，好滿足，好開心，好幸福！