十個叻叉燒大獎@煌府聚會

話說我覺得自己都真係要由多謝小Joe開始講起～

一早影左106相既時候，識左小Joe，佢真係超好，咩都會幫我手，超好傾，又咁岩我地原本一齊響始創煌府擺酒。
咁我響今年年頭既時候，就同哥哥覺得始創可能會有機會唔夠擺，個時仲1516諗緊好唔好轉場，轉場就要放棄個訂，同埋搵到咁大地方既話，分分鐘可能要去到酒店。

個時咁岩同小Joe傾開，佢就話好似九展將會開煌府新分店，叫我快d打去問下，一問之下，我地由於除左交通之外，好多野都好相宜，所以我地就放棄左酒店既念頭，一黎可以唔會浪費訂金，仲可以轉到個無柱既場地，仲可以最多開62席，想點擺都得啦！

雖然一直我地都係買樓花，但煌府上上下下既職員，加埋esdlife上面既姊妹（要講埋有兄弟先，咪多多會殺死我），我地真係好開心，最緊要係大大大老闆 - 強哥連裝修都會問我地意見，盡量配合我地既需要。

今次九展係煌府既旗艦店，所以佢地都好落足本，基本上全部都會裝修過，我同哥哥去睇過場地都超放心。

上次18/4因為影婚紗相miss左多多既求婚記（個日係九展Open Day），今次2/5我地就一齊去都會飲茶，話係問下我地咁多對新人既意見，其實我地都好想聚下見下大家（成日做網友唔多好）。

今日可以見到大家不豬幾開心，一去到大家都話：「小桃黎啦」又話「真係勁似譚小環」（搞到我勁尷尬），不過同大家嘻嘻哈哈真係巧開心呀～

最最最開心既係，話說早一個星期，我無無聊聊響屋企，諗住整個Logo比煌府玩下，點知大家就玩到咁大比埋強哥睇，由於我有Meow Meow比我既十個叻，所以今日可以換取到叉燒兩碟。

哈哈，十個叻叉燒獎真係巧，多謝煌府，多謝九展新人們～