Dabi@Day71 - 桃家的對話

今日約左HFT既同事返去食lun豬，當然主要目的都係還電腦既。
但佢地叫我帶埋Dabi B返去，我今日咪單拖帶佢出去囉。
嘩，點知原來真係唔係咁易架咋，超多野拎，又媽媽袋，又notebook...
返到去大家見到Dabi B都好開心。
不枉我生長水又遠帶佢返黎。

但食lun豬既時候，佢就唔係好合作。
係咁喊喊喊，要人抱住出去行下企下，總之一坐低就唔比。
搞到我都無時間同佢地吹下水。真係食完就走～

之後唯有同佢急急咁坐的士返屋企沖個涼。
咁話說老公今日要返學，我就諗緊同唔同佢返桃家食飯。
我打比桃媽：
「今晚亞哥返唔返黎食呀？如果佢返我就返黎啦！」
無幾耐桃媽就打返比我：
「今晚亞哥話返黎食喎，你睇下搞掂就出黎啦～」

於是我又單拖咁帶個仔出去。
返到屋企....

我亞哥話比我知桃媽打比佢，話Dabi B今晚返屋企食。
所以我亞哥返黎食。
而我收到既消息係亞哥返黎食，所以我返黎食。
奸計得逞左。

之後返到屋企，食飯既時候，桃爸就話：
「我前幾晚都去飲，好在你今晚返黎咋。」
咁我咪反問佢：
「如果今晚你知道Dabi B返黎，你又要去飲，你仲去唔去呀？」
「我真係應該唔去架～」

呢3個人真係錫Dabi B錫到燶左