Dabi@Day56 - 媽媽最後一次覆診

原來應該係生完之後6個星期返去覆診。
約好左，點知湊仔太忙，睇錯時間。
打比姑娘個時，其實仲有10分鐘就到約定時間，唯有，改期。
一改就改到兩星期後既今日。

未生之前，見吳醫生係最大件事，因為可以同亞仔見面。
咩都可以推&改，就係見醫生唔會改期，仲好準時。

生完之後，明明都係見吳醫生。
但就變得可見可唔見，因為只係check亞媽。
亞仔，已經係亞媽既懷抱入面。

你睇你睇，幾大轉變。

醫生知我餵人奶，都估到我咩都清曬架啦！
梗係啦，又遲多左兩個星期，仲有唔得你驚咩～
佢就話我應該無咁快黎返m，因為餵緊人奶。
建議我一年後返黎做返檢查。

點知老公話：我諗一年內已經返左黎做產檢啦！

～咁勁～

多謝吳醫生呢10個月既照顧。
可能就係因為你唔係個d嚴肅既醫生，令我地兩個都好歡喜。
得閒搞下爛gag真係笑到我同老公cc下。
放心，生下一個，我對你都好有信心～

呢兩日開始上返網，追卜。
睇開咖哩7既卜，我決心同Dabi特訓。
因為我有理由相信Dabi可以戒夜奶。
而唔駛每晚計岩時間兩點先訓，第朝6-7點又起身。
我想Dabi早d訓，寧願佢起身既時間早少少。
咁樣對大家都健康d。
祝我成功。

註：c忽痕既我，突然又想將個卜開返比public。
點解？
因為我諗生bb係一個好重要既經歷。
我陀仔10個月，都全靠大家既經驗救我無數咁多次。
而我自己又set privacy，感覺就好似去左偷野咁。
呢家自己生左，好想同大家分享返。
希望自己都有幸可以救返其他準媽媽既心。
希望唔好咁多垃圾啦～
最緊要，唔好偷野！