Dabi@Day61 - 雙滿月宴之場地篇

早響Dabi B未出世，我地兩公婆已經響到諗：
搞滿月、定搞雙滿月、定搞百日宴好呢？

由於百日宴正值新年，唔想大家出兩次血。
滿月Dabi B好似真係太細個，唔係好過癮～
就係咁，我地就揀左雙滿月宴。

因為我地兩個結婚時，擺左46圍，所以一直都響到諗唔知生仔要擺幾多呢？
為左唔想大家出血，我地都只係請左親戚同老爺既朋友食飯。
而自己既朋友仔，黎探下咪算囉，唔好搞咁多野啦！

場地就揀左：我地結婚既地方！
原因其實都係貪有位同埋靚。
一直唔知點解我都響到諗，我唔想Dabi滿月時，係寫XX彌月。
更加唔想係紅當當既Backdrop。
幸好，今日呢個咁好既日子：20110111煌府有兩單婚宴，都可以比個場我。
仲可以幫我做埋字。
"Dabi Double Full Moon Celebration"

場地真係好唔錯。

而我就為Dabi預備左氫氣球，作為場地佈置。
說真的，湊仔真係咩時間去DIY都無，可以搞到少少，已經心花怒放。
睇下老公攞住D波波幾開心！

加埋呢兩隻大Elmo，咁就好唔錯啦！

雖然，最尾呢個台/Elmo就比小朋友攻陷左。
影相都要問佢地可唔可以借個位比我地影張相！

但見到可以佈置得咁開心，咩都抵返曬。