Dabi@Day27 - 飲水聲止哭法有效嗎?

今日第二次自己幫BB沖涼啦，其實係咪每個媽媽都係咁既呢？
明知辛苦，明知有人可以幫手，但自己落手落腳做，反而有無比既滿足感。

不過今日發生小插曲，就係Dabi B一路沖既時候，無啦啦痾C，Oh......
成個盤都係黃色粒粒響到飛下飛下，我...梗係要的起佢上水...
再搵姐姐幫我放過水，再沖過！
幸好天氣唔算太凍，唔係...都不知幾大獲！

今晚老公既好朋友仔黎探Dabi同食薑醋。
有過上次探B既經驗，今次佢地好似大膽左好多，又敢抱，又敢玩。
今晚佢地仲試玩youtube呢期好興既 : 飲水聲止哭法！

你地睇以下既相，就知道....
唔work啦！
見到Dabi B喊，佢地仲播youtube既片，希望佢唔喊，當然，無用囉！

希望你地快d結婚，生返幾個陪下我個Dabi B玩下啦！

是日仲麻煩左迪捷同佢女朋友買個nipple protector比我，試下會唔會work。
但整完一大輪，見亞囝啜得辛苦左，見d痛又無少左，
所以我決定放棄，還原基本步，照埋身！