Dabi@Day25 - 媽媽奶生涯既邊緣

食左一日藥，今日個鬆明顯比尋日好左。但係腫＆痛仲未離開我。
自從發現奶量少左之後，我不停堅持要每日全人奶，不停上網睇，都係叫我唔好放棄。
要比Dabi B埋身啜多D，就算見佢未飽都比佢啜，唔好開奶粉比佢試，唔係就係一個cycle。
我忍，我頂，我痛。
但Dabi同之前明顯好唔同，之前佢明明可以15分鐘內KO左，點叫都唔醒。
呢兩日，佢可以食一粒鐘都唔飽。
我擔心佢唔夠飽，咪又試下pump囉，點知又pump唔出？
咁試下用手jit，睇下有無奶啦，個個塞左既lon lon真係少得可憐。
唔通我既媽媽奶生涯要就咁完結？

今日見天氣唔係好凍，試下幫佢著條靚仔衫。
哈哈，試著過頭笠again，你話我熟又唔算，不過都叫著到啦。
呢個小朋友仲可以企左響到添，究竟你係咪25日人仔架？

呢家仲係keep住我埋身餵，而老公爸B好多時就分擔左做換片同埋掃風既角色。
「喂，你地兩個淨係掛住影相，其實我訓左架啦，咪攪啦！」

拆開老爺朋友送既禮物，嘩，好靚呀，明知著得唔耐啦，我要著多D先～