Dabi@Day24 - 惡夢中的堅持

尋晚我響痛楚&擔心中渡過，怕自己會發燒，今朝見到個鬆仲係紅紅咁...
我知道，我發炎了！
今早起身，同老公老爺傾完，決定馬上去睇醫生。
自己個婦產科醫生放假，唯有試下個時返工睇個個醫生。
點知山長水又遠咁去到，先知佢星期日唔響到，由另一個醫生負責。
咁同老公見對面街間診所好似幾多人，應該睇得過，去試試吧！
可能佢係男醫生，佢都好似有少少尷尬咁，但佢都話我應該係發炎了！
開左5日抗生素+消炎藥比我，佢話餵人奶都食得，咁我就放心了～

尋晚大大叫我唔好埋身餵佢，費事再整損多d，咁我今日就忙到爆。
要pump奶，要餵奶，要休息。
仲要係一邊就pump，一邊就埋身，真係人都癲。

返到屋企即刻食藥，見到呢隻小傻豬有個咁既樣，超可愛呢！

下午舅父仔又黎探我呢隻小傻豬啦，佢真係好鍾意小朋友。

是日係Phoebe既生日派對，我都(偷)落左去會所一陣，聽左唔同媽咪既建議。
其實睇完醫生之後，我返到屋仁見到自己個鬆有一點白色，上網搵應該係我有個乳腺塞左。
我用pump又唔work，pump唔爆；自己又唔敢用針挑....
直至晚上，我同老公商量完，決定試返埋身比Dabi啜，試下會唔會通？
點知呢個Dabi醫生一啜就通左，奶巴巴聲咁出！

人即刻開心曬，老爺既朋友上黎飲紅酒，我有我同老公食飯。
其間仲有鮑魚做宵夜tim，你都咪話唔開心，終於見到我有返小小既笑容。

當然事情發展邊有咁簡單...
我每一下比Dabi啜都係痛到爆，痛到入心，但知道唔比佢啜又唔通...

痛痛痛痛痛