Dabi@Day30 - 我滿月啦!

追卜again！

今日係Dabi B滿月既大日子，最開心既我諗唔係佢，而係可以出冊既我！
等左30日，我真係巧膠線～
當然我都有蛇出去啦，去下健康院之後同老公行下行下都唔肯返屋企。
直至今日我終於可以出街啦！

呢30日對我黎講，真係好挑戰，好多野都唔係我可以控制到。
唔似我平時返工，幾難既都可以試拆，但湊仔呢家野，真係好難。
頭幾日，真係人都癲，返到屋企，成屋都係人既時候，明明係好幫手。
但我竟然覺得煩。
唔係人聲就係BB喊聲，又唔知佢喊咩？
仲記得有一日，佢由夜晚一直喊到朝早，想佢訓又唔訓，真係想爆粗。

呢一個月，其實Dabi成長左好多，我同佢都經歷左好多。
Dabi已經唔再係一個初生BB，已經識得分日夜，look大對眼既時間多好多。
訓訓下既雞肉笑，已經冧死左我地呢對爸爸媽媽。
食奶方面，佢一日7-8餐，由岩岩出世時既4個鐘一餐，呢家3個鐘一餐。
雖然我岩岩有乳腺炎，但我都係全埋身，希望佢食到幾多得幾多。
便便方面，佢一日都有幾次，次次都係人奶c，只係成日都會扭完先去。
但一響你身上pilipaka之後，佢會好c服咁望住你。
訓覺豬方面，訓完夜晚個覺，佢朝早我老公返左工之後，佢個一覺一定會訓到。
之後就仲未定時。

而媽媽既我，經歷完乳腺炎之後，我對媽媽奶既堅持，真係少左好多。
都係期待餵到幾耐就幾耐啦。
想放棄左幾次，但呢家都依然餵緊。

由於我地諗住搞雙滿月，所以今晚只係兩家人食餐飯同Dabi慶祝。
(雖然都好唔簡單)
爸爸媽媽都封左利是比Dabi B。

婆婆就整左好靚既紅雞蛋。

著得好靚仔既Dabi B。

叔叔送左枝香檳比我地去慶祝一下。

而DD就為Dabi B預備左個蛋糕。

一家人多左呢個小朋友，真係開心左好多。

笑得好開心既桃媽既爸。

今日下午，Dabi B仲有姑姐幫佢做BB按摩，你睇佢幾爽。