Dabi@Day23 - 3個Babe玩樂日+惡夢既開始

追卜有期啦！各位卜友，我又回歸了！
到底我應該幾日一次過打，定係仲係一日一日咁打呢？
我真係好想每日都記得一點點Dabi B既成長，我怕老黎我會唔記得！
囝呀囝，等你媽me我向你表現母愛的偉大都好呀～
========================================

去返12月4日，呢一日，tintin好有心咁話黎探B，我都覺得唔好意思。
點知亞May都話一齊黎，緊係好啦，我不知幾想見下大家既小Babe...
可惜小Joe黎唔到啦～

一見到人地個小babe，仲要係囡，我就已經愛不惜手，痴左線咁抱！
仲要一個3個月，一個7個月，不知幾好抱，不知幾好湊。
自己個Dabi...梗係比姐姐抱下啦！

見到大家個時影結婚相，見到大家大肚，見到大家生仔....
唔知幾時到下一個呢？小Joe..等緊你呀！

好期待Dabi B都咁大個仔，好好湊既時候！
===================================

慘不忍睹既惡夢開始左...
話說尋晚老公同我無無聊聊咁睇下有無乳腺塞左，咦，好似好專家咁話有少少！
咁...不如試下煲通草飲下囉，人地話通乳腺架！
好呀好呀～～～
煲完個D發泡膠，下午同Tintin地一路飲仲有講有笑..
7點幾個時...點解好似個胸食食地咁既，唔緊要啦，比Dabi啜下啦！
咦，點解Dabi喊咁既？好似啜極都咁食既？又熱熱地咁既？
馬上急call大大，shxt！佢話我可能有乳腺塞左～
佢9秒9咁入黎，我又試下按極都無用...
點知....大大姑娘一按，塞左，仲要紅紅地，即係發炎！

呢一晚，大大姑娘係咁幫我按個胸，又比Dabi啜，又jit....
真係咩方法都用盡！
每一下大大按落黎都好似生仔咁叫出黎，痛到爆...
可笑既係，Dabi呢一刻聽到媽媽叫叫叫既時候，都係照啜可也！
佢話今餐又可以早左食，又All you can eat，仲唔食返夠本！

==================================

呢一晚，我響擔心驚惶中過，又擔心自己發燒，又擔心自己餵唔到媽媽奶....
呢一個，只係一個開始，亦係我咁耐無時間追卜既原因！


惡夢旅程已經正式開始