終於黎到正式拍攝既第一天，由於我地要7點去到106店份面，我地又想先食酒店既早餐wor，所以5點幾就要起身梳洗，大約6點半就到酒店到食早餐，但我地兩個都怕一陣水土不服，所以無食太多野。
未夠7點，尋晚約定既司機已經sms我地話到左酒店門口，唔駛5分鐘，佢就將我地送到去106門口，那時，小魚已經開左門，我既化妝師已經預備好化妝品，可以開始化妝。呢個時候，男朋友就會比較悶，因為佢要陪您早起身，但又無野做睇您化妝，幸好哥哥有個無敵既nds陪佢。
8點左右，燈光師 - 亞仁都來了幫哥哥揀衫，我真係覺得佢地好專業，佢地都會去問攝影師 - 遠翔一陣我地會著咩衫，影咩景先，再去揀衫同埋我個妝，超pro。
10點左右我地終於化好妝等出發。我一見到我個妝，就同哥哥講，嘩，好似我媽咪呀～哥哥就即刻叫我Auntie XD小魚同我講話由於呢家無十月個時咁多人去溝內，觀光車都少了，佢搵左個司機響溝入面車我地，即係自己租車，比平時仲平左$50，我地就梗係即刻話好啦～
唯一唔方便就係要偷偷摸摸d，唔可以著住婚紗入去，因為我地租個d車其實係住響溝入面既人黎架！
10點半我地終於黎到門口啦～以我地兩個咁鍾意影相，哈，就把握所有既時間自己影相！
見到水好清，見到紅葉我都覺得好開心，我好似預計到一陣影既景色會超靚咁～
因為第一站係長海，所以我地架車要去到超高，要坐成20分鐘車先去到，嘩！好靚，有雪有景，我地兩個已經傻左～
身邊既人經過無一個唔講：「好漂亮喲～」(當然因為見到我同哥哥啦！)
第一站影相，我地都比較生硬，我又成日比遠翔話我拖背，哥哥個雙下巴又成日跑出來，抱又不知點抱，最慘係要扮錫，無得真係錫，即係咀同咀係唔可以痴埋(=.=")
走了幾步，竟然可以去到.....................
雪景呀～
我地由尋日知道前日落左一場雪，兩個已經一齊跳求雪舞，因為我地兩個真係好想影到雪景，由之前揀影相既地點既時候，真係問過畢棚溝，但一黎哥哥鍾意九寨，二黎畢棚溝震左，所以今日今日見到雪景我地兩個都傻左...
雖然好凍好凍，但我都唔怕除羽絨，因為我要影靚相...
影完既時候，遠翔仲比我睇佢影左既景，連埋個燈光，出黎既效果真係好靚！
可能遠翔見我地兩個好鍾意影雪啦～佢搵左另一個雪景比我地，話似韓國個套咩冬季戀歌既感覺喎！呢個時候，小英都幫我轉左另一個頭，就係加返頭紗啦！
影下影下，遠翔地仲話哥哥個樣似韓國人，呵呵呵，唔通佢就係...
下一站要走左15分鐘路，哥哥成日都怕我會跌倒，拖得我很實，直至黎到「五彩池」。
唔係自己見過都唔相信d水真係咁藍，以前見媽媽去九寨，覺得個人好似key上去咁，呢家自己影，先覺得真係好正！
影完五彩池，我地就去左食野，之前聽tintin講我地會食buffet，但今日遠翔帶左我地去食方便麵，個亞姨因為識佢地，所以我地買左5個方便麵加一大堆野食都只係$80左右。
響亞姨到換衫，聽聽遠翔說說他的歷史，再去下一站拍紅葉～
呢度要行好遠，一直我以為呢件衫唔好睇，係個個都叫我揀，我先揀，但估唔到出到黎咁好睇！
遠翔響呢度影既景，就好似人地響影樓拉左塊佈景落黎咁，靚到爆！
再行入少少有樹既地方，遠翔再幫我地採左兩塊黃葉，嘩...好靚！
我個化妝師超好，見我影完好凍，即刻除左佢件羽絨比我，話佢著暖左，仲比左佢為我同哥哥預備既熱水我地飲，好感動！
今天最尾一站就影「蘆葦海」，不過天色可能開始暗，所以出黎既效果要用燈光才能漂亮，不過亞仁影我地兩個影到唔肯走，呵呵呵，連哥哥最愛既月亮都可以留響我地既照片入面！
走既時候已經差唔多6點，天色已經黑了，回到106，另一組都已經拍攝完回來了，106都叫我地先去食晚飯，回去好好休息，哈，今日一樣去返滋味來，因為很冷很冷，要吃一點暖暖的，我地今日叫左Hot Pot耗牛肉，食左一半都唔夠兩個人都飽曬，好好味！
返到去10點幾就已經訓死左～Zzzzz.....
沒有留言:
張貼留言