始創煌府飲後感

寫返個食後感，等其他jm都參考下～

個日我表哥因為好似先響教堂行禮，所以我地差唔多成6點先去到酒樓，好肯定所有野已經set好曬。

而因為我無特別野要負責，最重要既係陪我女麻女麻打牌，所以可以好好咁試下佢地既service(杜生個時唔響到)。一見到席前小食，就即刻叫d人每一樣野都比d我食，分別有炒飯，炒麵同埋炸豆腐，因為打緊牌，所以無影相，但就幾樣野都好唔錯，唯一係個個咁既Fruit Punch，超甜，同埋無氣，好奇怪～

之後因為我表哥只係要左半場，但由25圍加到去32圍，所以超多人超迫，主家席亦唔係一早開，而影相同去廁所既人炒埋一碟，行都行唔到，迫爆～

因為主家席要等人影完相先開，所以無論99定62，媽媽定爸爸，全部都要企曬響到（重點係所有其他既賓客都坐低），好尷尬～

食野呢樣野相信都係好多人想知既重點，一開始個乳豬，唔知點解係林曬，我即刻o左咀（杜生之後話比我聽因為個MC由本應2分鐘既台詞講左15分鐘，所以d侍應一早企響出面等緊，凍曬）。

之後個蟹鉗就無咩特別，但最重要既係我開始留意佢無分菜，得主家席有；而下一碟既節瓜都要放返響食蟹鉗個隻碟，有一點那過。

分翅之前，我發現有一隻碗係dirty既～而個翅就如圖啦

最唔放心係個鮑片，因為我媽媽好細心咁數，有12個人，但只有11塊，驚(=.=")

個雞就無咩問題，亦無乜驚喜，至於個魚，媽媽同爸爸都話唔ok～

紅豆沙就我點都諗唔明點解明明有咁大窩糖水，都可以分唔滿？

仲有要留意既係個camera，因為佢地set響天花，所以只會影住您個頭頂，如果睇電視既賓客，到時係咩都睇唔到；中途又無啦啦播左無線５分鐘，唔知仲咩～

我自己就好concern分菜，因為到時好有機會有一部分既圍數會有唔識既人坐埋一齊（難免發生），所以分菜可以減低好多尷尬同埋麻煩（媽媽都係咁話）

不過由於杜生個日都過左黎好多次，我覺得佢都真係好識做～