Dabi＠Day114 - 為食到蘋果(Video)

Dabi B繼續話比媽媽知要食夜奶，幸好我係一個全職媽媽，所以我對佢要食夜奶呢一樣野我睇得好開，我覺得小朋友都係有需要先會喊話比你知，如果我唔滿足佢，我覺得好似會令佢覺得父母唔理佢，唔明白佢。所以每次Dabi喊，我都會搵個原因出黎滿足佢。
雖然仍然大傷風既情況下要食夜奶，食住眼訓藥咁樣湊佢，趴起身餵佢係好鬼攰；但呢兩日明顯見佢重返少少，我個人我個心都定返曬落黎。


今日下午同老公第一次帶埋Dabi初戰旺角，因為今日約左見輔導Grace！
係，早一排我湊Dabi，我覺得自己情緒唔係好stable，所以老公都建議我見下佢。
幸好今日見左佢，的而且確我既情緒係波動左一排。
媽媽們，有咩真係要同老公攤開黎講呀！

之後仲同老公響旺角買埋肥媽先返屋企，呵呵呵，好好味呀！
夜晚食完飯，食下蘋果啦，見Dabi咁精神，咪比佢舔下囉，諗住第時都比蘋果蓉佢食。點知......
送段片比大家睇就知....