Dabi@Day112 - 奶咀vs手指

小朋友食手指好定係奶咀好？

呢個問題真係咁多年到呢家都無一個確實既答案，就算你問自己既亞媽，佢地都會有唔同既答案。
小桃開頭對住Dabi，都係個d話唔會比Dabi食奶咀既媽媽。

但當你試過：
1. 佢響一家人/兩公婆外出食飯時，唔可以乖乖安靜，響你身上典黎典去，喊時
2. 佢唔停咁cher自己隻手指/拳頭時
你就會問返自己，究竟奶咀定係手指好？

小桃呢度都係小小分享，唔係model answer。
響Dabi個幾月時，我地都無比奶咀佢，而佢都好能夠響爸爸媽媽既暗訓下訓覺。
直至佢兩個月開始，佢就識得食手。
食並唔係一隻手指/手指公，係兩隻拳頭咁放入口。不停咁cher，放完一隻又一隻。
有時無幫佢剪手指甲，就會順便咁抓損左塊面。


所以我地開始問自己，應唔應該比奶咀佢食？
桃媽一家就話應該比，因為我地細個都係食奶咀大，呢家既牙都無問題。
老公一家就話唔好比，唔駛食奶咀，又唔食手指都得既。因為老公都無得奶咀大。
咁個決定權又去返我地兩公婆度。
新年前有一日，我地兩公婆想去食個西餐，無帶奶咀就抱埋Dabi出去，諗住一家三口團年。點知，未食飯前佢就訓得冧冧冧，一坐低佢就醒左，要你企起身，行下先唔會喊，唔係就會大喊。咁個一餐飯就係響我有我食老公有老公食既情況下完成。
跟住我就同老公商量，我見Dabi食手既情況開始嚴重，我提議比佢食奶咀。
當然老公開頭都好反對，覺得唔需要。
但慢慢地，我地come up到就係佢想訓先比佢食。

當然我地仍然唔係成功既父母，呢家仲係執奶咀執到傻。
但我基於衛生既情況，同埋我聽太多人講，手指好難戒，我就決定左比佢食奶咀。
因為我老公都係食到呢家都仲會咬手指個種，次次都想咬佢

無話岩與錯，我覺得大家都有大家既道理。
只係有兩個point我會建議大家：
1. 要兩公婆有共識，唔好為呢樣野嘈交
2. 唔好唔比佢食手，又唔比佢食奶咀！
第二點好重要，都係我聽輔導講。
因為小朋友唔知岩定唔岩，佢食手都係想要安全感，如果你兩樣都唔比，真係對大個有影響，佢份人大個左會無安全感。對自己無乜自信咁....
因為亞爸亞媽響細細個既時候不停reject佢。
亦要明白唔係個個小朋友都覺得可以用奶咀代替手指，假如佢真係需要用手指先有安全感，就無辦法，你接受你既小朋友要食手指。

睇下Dabi食到幾舔舔脷～