細細, 平安&生日快樂!!

11/3發生了日本大地震！
大家諗都諗唔到可以同一時間地震 - 海嘯 - 核爆！
而最擔心既，莫過於有親人身在日本

咁岩細細一家就去左日本旅行....
真係唔到我地唔擔心，DD就日日聯絡入境處同細細，睇下點樣幫到佢地盡快返黎。
幸好既係，佢地當時身在迪迪尼，所以所有人都被關響裡面，唔入得唔出得。
佢地幸好有小朋友，所以可以安排響餐廳入面打地舖。
但就每人只係分配到小小既粟米湯/爆谷。

今日一早佢地終於可以返到黎。
一家人都鬆一口氣....
講真，堅擔心，直至佢地平安返到黎。
今晚一家人一齊約左響忠誠食飯，同細細慶祝尋日既生日。
聽佢地講響個邊既經歷，你都咪話唔驚。(成晚都係咁震wor)

本身同老公諗住買個哈根大師賀細細，但有聖啦啦Elmo蛋糕，就無買到啦！
不過見到佢一家人齊齊整整我諗係最緊要架啦！

細細，我諗呢個生日你真係好難忘！
生日快樂！
但願你以後既生日都唔會好似今年咁難忘～
不過見到你話同老公感情更深厚，都好呀！