Dabi生產記II

本身諗住自己有排都未生，仲響尋晚約好老公今朝買咩早餐比我食。
點知...我已經發覺自己痛到不似人形，所以半夜響候產室既時候，忍唔住sms老公，叫佢唔駛買早餐，同埋叫佢起左身就黎陪我。幸好老公好快就醒左，仲sms話比我知黎陪我。我由塞左藥之後，本身仲響iPhone記錄自己幾耐陣痛一次，但慢慢開始痛到唔想記錄低，連字都唔想打....

老公響大約5點黎到候產陪我，我仲可以同佢有講有笑，老公仲話幫我計時，笑埋呢一分鐘就準備痛...點知去到7點鐘，姑娘幫我check，我仲係一度都未開，個時真係好灰，灰到爆，我已經開始要聞笑氣！仲聽到隔離床個個女仔，一入院check已經開左兩度，佢都無我咁痛，點解我會咁？！
不過由於我清醒，我仲識得同老公講不如比我食個菠蘿包，我怕唔知要等幾耐，我無力生佢。但係問左姑娘，佢話我聞左笑氣，怕我嘔，要我吊鹽水lu...


8點幾，,我既痛已經開始要不停聞笑氣，醫生黎到，見我開得咁慢，我以為佢check宮頸，點知佢幫我穿水同落催生，我一野打左落醫生度.........

無幾耐，好似有姑娘幫我打左止痛針....


直到痛到12點，我已經不停咁聞笑氣，我已經wing wing地，都係開得3度，個時已經面容扭曲！





1點個時，我諗我已經聞笑氣聞到斷左片，乜都唔係好記得。都係老公話比我知，我個時都只係開得5度，姑娘話我可能仲要痛多一排。個時我係痛到乜都唔係好知，只係間唔時隻眼睇下屋企人響唔響到，老公仲玩野咁只係比笑氣個罩我，我都當有笑氣咁照吸，傻左!!!!

去到2點幾差唔多3點，醫生再黎，CHECK我就話可以推我入產房!!!!



我都係去到產房先清醒返，姑娘同醫生點叫我用腳young住，拉個扶手，我做極都錯。一痛個下就push，但我發出um um聲就比姑娘鬧，試問唔用呢d聲音點樣可以出力呢？用左10分鐘左右，就生左Dabi出黎啦!!!

之後醫生幫我聯針既時候，我都無咩感覺，只係感覺到有少少針既感覺響到郁，一d都唔痛lu～




經歷左14小時既痛楚，我終於生左Dabi b，我覺得自己真係好好彩，因為隔離床個女仔開左3度之後要緊急開刀，陰公!!!

題外話：姑娘問我老公要唔要同BB影張相，佢話都係唔駛=.=，後尾我響醫生不停幫我聯針既時候，我問老公仲咩唔影，佢先話影～

------------------------------------------------------------------------------------------------------------
估唔到一個咁怕痛既我，可以自己生Dabi出黎？
不過我見到開刀既準媽媽，又見到自己順產，當時醫生都有問過我用唔用無痛等....
我都堅持！
我慶幸自己當一刻有呢一份堅持，其實都唔係好痛jeh...當你見到呢個小生命，響你肚仔10個月，終於可以同你見面，你就覺得乜都抵曬。
-------------------------------------------------------------------------------------------------------------

老公，真係好多謝你，比左一份咁好既禮物我，雖然我相信黎緊我地會好忙，但我有信心憑我地兩個既力量，我地可以將呢個小生命湊大！老公爸B，我地一齊加油加油！