古古力戚風蛋糕第二回(我得左啦!)

經過上次既失敗，好快小桃已經忍唔住再接再厲，好想知自己衰乜！

上次失敗之後，小桃好努力咁去睇左好多個blog，好多個you tube，希望搵到自己失敗既原因。
經過失敗，我估原因有兩個：
1. 蛋白霜打得仲係太軟身
2. 食譜中既水份太多

今次由於覺得上次淡左少少，就身痕走左去整古古力戚風。
甩模之後，估都估唔到，成功左wor！

特地加左古古力碎&脆脆古古力(好似曱甴屎)，再好味d。

以為自己會失敗，諗住每個過程都拍低，開心。
今次打蛋白真係打得杰左，唔知係咪大家所講既拉到尖角，但就真係比之前打得杰好多。

另外，古古力好易令蛋糕實少少，所以我覺得呢個都係成功既原因之一。

焗完都無上次升得咁高，以為會失敗....
倒扣既時候，都不知幾擔心。

點知最尾，竟然甩模無事，個味道仲超good，又唔係大lone lone，仲好軟熟。
大家都話好味，個心甜絲絲....