Dabi@Day1 - 今天起,我有媽媽奶飲!

今朝好早就醒，斷斷續續咁醒下訓下，訓下醒下，一起身就好掛住Dabi同埋老公。無見半日jeh，咁快就咁掛住，第時點算？見自己個40寸肚唔見左，好患得患失既感受。
知道今朝10點半可以去學餵奶，我起身之後，就一直期待住呢一刻。
入到去，見到姑娘，我都仲係十下十下，幸好姑娘好有耐心咁教我地呢班新手既媽媽。當姑娘抱住Dabi B出黎個下，我真係好感動，呢一刻個感受真係好真實。孕育左10個月既生命終於響我手上。
姑娘教得好好，Dabi B又好乖，啜得好好，雖然第一下真係有少少痛，不過當你見到佢咁真實咁訓響你個心口，嘩，痛少少你都係會比佢繼續啜。姑娘話我已經有初乳，又話Dabi B啜得好好，真係聽到你不知幾開心...
(特別係你坦蕩蕩咁同其他Mami一齊餵既時候，你係會特別飄飄然!)
餵餵下，有姑娘入黎搵我，話搵我簽收，有人送左個花藍比我，咁特別？

出返去先知原來係Dabi B既契媽 - Emma！見到又公仔，又花，又生果，一定好貴啦！真係感動屎人！
餵左兩餐之後，仲可以學幫BB沖涼，雖然唔係真實咁沖，但至少今次係第一次見到沖真BB呀～

而最重要最重要我揀仁安既原因係....
佢有一個親子時間，浸會/法國都無，爸B只係可以睇櫥窗BB，但仁安就會有親子時間，可以抱抱Dabi～
爸B今日有返工，但佢就趕黎同Dabi B親親！

我就係響呢間產房生Dabi B出黎啦，今日我覺得佢個樣又唔同左啦！好搞笑～

雖然新手爸B抱你好似有少少生硬，但我知你會越抱越好！

期待聽日出院篇！