Dabi生產記I

等我趁我仲記得，打返Dabi生產記先...

-------------------------------------------------------------------

其實我係9/11晚上見啡，我見得個少少，就唔係好理佢，因為覺得未有咁快要入院。


10/11朝都係見啡，但就多左少少....同埋9/11晚訓唔到，keep住有少少m痛既感覺！朝早計就大約15分鐘痛一次，我都以為自己可以入院，但之後竟然無咁痛。

打比醫生問佢，佢話我有見紅&陣痛，recommend我去醫院～

我就慢慢咁沖涼，同++(老公返左工)去九龍城食大餐，明明攞曬走佬袋出去，都屎唔肯入院，諗住無咁痛，即係無咁快，食完再返屋企坐...完全無入院既衝動！
直至老公放工返屋企，我地打電話問下人，就決定食埋dinner就入院，個時都係唔regular既陣痛。




去到8點入仁安，姑娘唔駛我即刻辦入院手續，check左胎心機先，點知姑娘一check，我係一度都未開，連宮頸都未較岩位，仲係好厚tim.....但佢confirm我個d係見紅！

姑娘打左去問醫生，仲問左我如果醫生唔駛我入院，我都係諗住返屋企？我梗係話係啦，點知醫生唔比我返屋企，要我一定入院。


跟住就梗係無得揀，入院啦!個時仲行得走得，超relax！但係仁安個package係要48小時內生左b，先可以join4日3夜既package，咁醫生就話我都見紅左一日有多，夜晚12點就幫我塞藥，等我宮頸較岩位同埋軟d！
是晚仲好熱鬧，99同媽咪、++同老公都響到，直至12點塞藥先走。大家都把握最後既機會同我個肚影相，係囉，聽日就變返22吋啦嘛...

幸好老公幫我揀左二人房，我入院個時，仲未有人響我間房，所以都好free....




12點塞左藥之後，我仲響到玩電腦，但就明顯feel到d痛regular左，大約15分鐘痛一次，慢慢就10分鐘，去到3點幾之後就5分鐘。
我就問姑娘，我覺得自己regular左，佢就叫我換衫去候產室check胎心機！
點知姑娘一check，個陣痛雖然regular左，宮頸係軟左少少，但都係一度都未開，只係放得落一隻手指！

待續....