幸好，可以買床仔既地方都好多，而咁岩我地響一田見到張又平，size又岩岩好既BB床，我地二話不說就揀左呢張床仔比Dabi。
一田仲可以好快安排到送貨，上星期買，今日已經送到黎啦！
今日有威威、++、DD加埋老公一齊砌床，好彩唔係得老公一個，因為原來砌BB床，應該得一個人係砌唔到。而好多人又話大肚婆唔好亂咁掂，所以我都唔敢幫手。只係響隔離響到睇住笑...
直至佢地要將BB床放入我地間房，我就迴避左唔睇呢個安床大典。
終於最後呢個item都搞掂埋，多謝老公同屋企人幫手，同埋老公咁緊張Dabi有無床仔訓架喎，哈哈...
-------------------------------------------------------------------------------------
Dabi，你知道嗎？爸B真係好錫你架，只要係對你好既，佢無論點都會買比你，你第時要好好孝順爸B呀！
嘩.. Dabi 張新床仔真係好靚啊.. 一定好鐘意啊 我都發現.. 老公們真係捨得買野比BB.. 只要係好既 + 岩用.. 貴貴都冇問題!!
回覆刪除[版主回覆11/09/2010 00:16:00]係呀係呀...我老公成日都問我買咩買咩買咩... 張床仔唔係好貴,希望Dabi鍾意啦!!!
我都係買0左呢個牌子既床仔呀~~ 過多個月先擺出黎散味...但就唔砌住 你拆佢出黎0個陣大唔大陣味呀?
回覆刪除[版主回覆11/09/2010 13:26:00]其實個sales都話只係放4-5日,咩味都會散!! 我放出黎第一晚就有少少木味,之後就少少味都無,再加埋放左bb床單上去,有陣bb味,咩味都唔多覺有... 如果唔係有咩特別要咁早整,其實我覺得呢個item可以過左9個月先搞,因為d人成日都話咩安完床bb就出世,唔好唔信!!