其實唔同人既口都有唔同既意見，有人話比左$500就可以比蔡B出世，威院既設備又好好，多出黎既錢可以用黎買野比蔡B；但當然唔少人都話比得到既話，梗係支持佢響私家醫院出世。
私家點都係私家，咩設備完唔完善唔係最重要，係姑娘既細心、一個負責任既醫生去跟進、唔會生之前比無數唔同既姑娘去搞你、可以自己揀順產或開刀等，都係私家先可以有既。
所以好早老公已經想我響私家生，但可揀既醫院如法國、浸會同埋出名婦產科好既仁安，點揀好呢？
可能我對浸會之前既新聞仲有少少bias，所以我真係唔想揀；由於仁安好似好出名，所以...
今日我地決定左去仁安啦！
比左訂金，蔡B出產地已經決定左，安心曬！
其實做咩都好總有好同唔好的評語，始終每個人的需要和諗法都唔同，最緊要係你o也夫婦的怎樣想？
回覆刪除的確我也覺得私家生無論係醫生和姑娘都細心好多，而且當bb出世唔駛第一時間就要自己湊返，可以有得休息一會。
[版主回覆06/23/2010 15:07:00]嘩,簡直就係我既心聲,係呀係呀,我都係掙扎左好耐架,怕老公太重負擔,不過對亞b好既,我寧願買少幾件衫比自己,將最好既都比佢!!
仁安好貴架喎
回覆刪除[版主回覆06/23/2010 15:07:00]響私家都算貴,不過上網睇過comments,佢算係近我地又comment最好個間,始終可能一分錢一分貨啦! D人仲話好似酒店式享受,我就唔知啦,到時同大家share返先!!
經濟上support 到, 俾自己一個舒適d 0既生產方法及地方, 當然係最好架啦... ^o^
回覆刪除我想問幾多個weeks要決定仁安醫院？比幾多錢deposit?
回覆刪除[版主回覆09/25/2010 09:39:00]一般仁安都可以遲少少先confirm比deposit,如果浸會個d,就要12wk左右已經比deposit,但仁安都可以去到20wk,但你要同醫生講,幫你hold左位先~~~特別係呢家咁多大肚媽媽,好早full~~~ 我個時就比$10,000 deposit~~