蔡Mami倩影 @20wk1d

成日都同老公話要一個星期影低一次蔡B既成長相，但就成日都無記性，記得既時候已經係換好曬衫沖好涼，即係蔡Mami超殘look，所以都無影低。

難得今日記得，就比大家見下蔡B & Mami既近照。

踏入第廿週，真係覺得個肚明顯大左好多，雖然個人無乜肥到，仍然無人讓坐比我呢個大肚婆，不過一著緊身衫返工，就會有同事/朋友仔話乜原來我個肚大左咁多啦！
胎動明顯了，呢個臭豬仔我起身佢又起身，我地睇世界盃佢又響我肚仔入面踢緊世界盃，爸爸好緊張睇波睇到叫既時候，佢又踢黎支持爸爸一份，我12點睇完世界盃想訓，佢都仲響到玩緊swimming pool，唔肯訓！不過感受到您響肚仔入面一天一天咁同我一齊成長，個感受真係好深，有時諗起呢半個semester，都真係好滾動！
傻豬仔，您要乖乖響入面繼續食多d好野，錫住媽媽。您出黎之後，就有排呢個新手媽媽辛苦啦...