蔡B產檢@20wk3d

恭喜曬恭喜曬！
蔡B踏入第二十週，即係佢響蔡Mami既肚仔入面已經過左一半既時間啦！
照結構一般都會安排響18-22wk度做，目的唔係為左睇亞B個樣，唔係咩3D/4D，都係2D形式去比醫生睇下亞B各器官有無咩問題，例如心臟、血管、骨頭、有無兔唇、腦積水等等。
今日就係去私家醫生到照結構既時間，我其實都有掙扎過去唔去私家醫生度做，因為始終呢個都唔係一個平既費用，而威院又有安排比我。但因為諗住威院無野比我攞走，我地又plan左呢個醫生接生，好似佢有record好D。但我之前都打去問左姑娘，我地係咪有DVD?姑娘confirm左我有，先加大左我去既決心。(如果未做照結構既，記得唔係個個私家都有得做，同埋有平有貴，要早d book；聽返網友講，旺中既巫少慈醫生好似$900有交易，仲有DVD攞走)

今日我地走到，但醫生都未返，老公個電話就比人地響個不停。其實如果人地唔聽您電話，您不停咁打，人地都係唔聽，何苦呢？

點知我量血壓既時候，我係只有98,47，嚇到姑娘都問我有無頭暈，又真係無喎！

見到醫生既時候，好在照左無幾耐，我問左醫生係咪有DVD，醫生突然話比我知無，我幾晴天pigpig，我真係諗住唔會照4D，呢個係第時留比亞囝睇架嘛。
幸好醫生講到明，知道係姑娘講過比我知(我真係無講大話架)，所以佢話只係比我一個，叫我唔可以同其他patient講(喂，blogger們，DVD我未到手架，要一個月後，唔好講出去呀)。

見到蔡B，可能佢知道今日要見面，其實今日一早佢都起左身，見到佢既時候，佢都好乖乖，比醫生睇清楚佢既器官。蔡B大隻左好多啦又，佢今次有16.48cm長，醫生仲話佢已經0.8磅重，通常人地22wk先1磅，我呢家已經好唔錯。

當然唔少得，蔡B會好乖乖咁同Mami & Dadi打招呼，揮揮佢既小手。

頭仔就醫生話佢真係比佢呢家週數大左整整一週，個傻豬豬梗係好食好住啦～

中途佢都係想轉身，又黎倒豎蔥，連老公都話佢咁活躍。呢個豬仔日日就係咁樣響Mami個肚仔入面轉黎轉去，夜一夜都唔訓啦，呢家證據確鑿，無得抵賴啦！

但之後唔知係咪醫生照得佢太耐，醫生想比佢既3D我地睇，點知佢唔係扒響到，就好似呢家咁，搵一隻手遮住自己塊面仔，唔比我地睇，扮cool呀！照左幾次都係照唔到，醫生打打我既小肚仔，您都係唔係放低手仔，無辦法，所以可能都要出世先見到您呢個豬仔樣啦。

「雀仔相」就唔響呢度比大家睇啦，不過蔡B都仲係好乖，比我地睇得清清楚楚，但見到今次怕羞仔唔比我地睇佢個樣，我就唔響到公開佢呢隻臭豬既私處啦，哈哈。
見到您一日一日咁成長，我真係覺得好感動！
醫生睇返您每一樣器官既size，好在您都唔係只係一個器官大，樣樣都偏比呢家既週數大左，雖然頭仔係明顯比其他大得多，不過都係一週only，所以醫生都話您應該係中上B，最緊要您健健康康，就係我呢個做Mami既最大成就！
下次見您....又要等一個月啦，真係掛屎Mami....