賢妻入廚篇

由結婚前忙到結完婚呢兩個星期，基本上係真真正正無時間響屋企享受一餐晚飯，今個星期既新任務係每日兩次去煮婆婆既飯，等佢唔駛食醫院既野食！
咁同時間，我就多左時間要去街市買野，今晚就由我呢個賢妻為我既Hubby煮左第一餐婚後既晚飯～
肉碎冬菇粒蒸豆腐 + 油麥菜 + Hubby至愛粉葛湯

睇下呢個賢妻幾大體...

真係見得人架.....雖然調味仍然由Hubby操刀～

同場加映婚前，媽咪話要買一套新碗，響結婚第一日食用，響一田見到又鍾意好耐，終於搵到藉口帶佢返屋企，老公都無得反對～

老公話今餐好得，個湯有出面煲既水準（哈哈...氹我！）
但呢個可愛的老婆依然信到十足，見您咁乖，下次再煮比您食啦！