我已經係Mrs.

呢排既我好珍惜星期六，因為老公呢家唔係返學就爬樹，連星期日既family day都無左，所以星期六老公放工之後，我真係好開心，因為可以等佢一齊食lun豬，一齊行下街！
今日老公話不如去新城市行下，哈，梗係好啦～
於是就係我地滿載而歸既一天，老公買左新既羽絨，我地兩個都買左新既行山鞋(不過我唔係要黎行山用)，老公又買左新衫比我，仲有既就係買cream，原來我一直都無做會員，今日佢叫我做，填資料既時候，發現原來自己已經係Mrs.，噢！

同場發現有佢兩母女既相，Jolie真係大得好快！

高消費者可得高消費既禮物，我個人好喜愛今年佢送既禮物，特別係個利樹封，呀，點解出面無得買既呢？