偷得浮生

是晚相約了快要回澳洲的朋友仔打邊爐，上次同佢地去完迪迪尼打邊爐之後，先知道佢咁鬼鍾意食肥牛，咁梗係要黎我地屋企啦，包佢話好味！

所以老公今日放工，就車左我一齊出九龍城買野，雖然搵唔到位泊車，我要睇住架車唔可以食野先，老公知我極肚餓，見佢一抽二抽就知佢好努力怕餓親我！

之後我地一齊去左呢間新既越南野，佢既裝修好華麗(食野都比一般貴)，令到我老公想試好多次，今日咁岩佢食左野，所以好岩黎試少少野。我地叫左一個火車頭兩份食～

好味，唯一係勁鍾意芽菜既我，覺得佢既芽菜唔夠！！

最搞笑係我的倒瀉病又黎，食食下成碗粉倒左落自己度，老公第一句既係：
「您第幾次呢？」
哈哈哈.......