沒有工人的日子，其實也不是太壞的一件事，至少最受惠的便是我們的肥肚肚；唔係爹爹會唔知點解轉個頭就會整到超美味既野食，就係哥哥會同我一齊下廚整野食，之後佢見多野洗既時候，又會黎幫我手一齊洗；一係就我洗碗，佢拖地，兩口子玩下水，又可以搞到個廚房乾乾淨淨，都幾唔錯既生活。
今日，哥哥話妹豬會黎食飯，所以去買送返黎煮，我仲同佢講話想食花甲。由於哥哥話唔會去九龍城街市，我仲諗住weekend先可以去買返屋企整。點知放工返去既時候，見到哥哥預備左好多花甲，真係抵錫^3^。
是晚精選：油鹽水煮花甲、菜心炒牛肉、豬肉煮豆腐（近期大家既至愛）同埋炒極都唔會失敗既蝦仁炒蛋。
當我地起勢咁食花甲既時候，妹豬就好奇怪咁指住叫：「Shell！」而細細就同佢講，係呀，小朋友唔食得架，要５歲先可以食。妹豬又好似明咁樣，自己響到食飯，呢家既佢，已經可以自己渣住spoon食啦，勁！
沒有留言:
張貼留言