話說今日小桃請左下晝假去睇醫生，事關小桃隻腳呢幾日都痛痛，已經無著高跟鞋架啦嘛，有啲擔心下就去左媽媽介紹既醫生個度睇，見嘉嘉都話好，都放心好多。
點知去到超多人，好在等左１個鐘之後，都到小桃jeh..
入到去，醫生好細心咁同我check，反而係佢響到搞我隻腳，我有d唔係幾好意思咁。之後佢好詳細咁解釋話我隻腳天生就係咁，要企到令菠蘿蓋舊骨直既話，人地就係要企直，而我，就要八字腳咁企，所以每當我覺得咁樣好樣衰既時候，我硬要企直既話，就會好快攰。
我問醫生有無得醫，我仲響到諗，會唔會又要照xray呃下您$個Ｄ，呢個醫生真係一D都無，仲好細心咁話比我聽每一個成因。我問佢係咪有好多人都係咁，佢話好多小朋友十幾歲之後會自己生返好，但我...就無囉！
睇完之後，個人放心曬，哥哥仲出左黎接我，我地諗住響佐敦搵野食，哥哥話唔想食牛奶公司咁悶，我地就泊低左車行左去山林道食金鳳啦！
本身都只係諗住食扒餐，點知見到佢大大隻字寫住：「食菜有益。」一個椒絲腐乳通菜都只係$14，雞軟骨又只係$12，好鬼抵，仲要好好食。結果，兩個人食到飽一飽咁返屋企（^O^）
沒有留言:
張貼留言