今日哥哥無啦啦返返下工，話放工陪爹爹打Golf - 一個我一直認為是有錢人的玩意。我諗係爹爹唔想得佢一個未打過，想搵人陪，所以叫埋哥哥同埋我去，無咁尷尬吧！結果就有3個唔識打既人響到不停打打打....空氣。
我因為無帶波鞋，著住高踭鞋真係好唔方便，所以唔得打左好多次。反而爹爹同哥哥就一試再試，由地下個層打到去最高個層，仲有個好似好professional既教練響到，我都好比心機聽，下次我有帶波鞋一定一齊玩。
影下影下，唔知點解影到相哥哥咁勁既相，呵呵呵呵...笑左我勁耐！
九點大家打完，我地就走左先，因為...小桃實在太太太太肚餓啦！我地一齊去左Element入面既「夏麵館」食，第一次食，之前見到好多人響到排隊，唔知係咪好肚餓既關係，我地真係覺得好好食。
皮薄的小籠包...
是晚最滿足係食到好好味既晚餐。舖內有Evian水，哥哥仲影低左相比DD添＾＾
沒有留言:
張貼留言