Dabi@Day178 - 媽媽節夏水禮

今日媽媽節，要先祝各媽咪同BB都健健康康，開開心心，快快樂樂咁成長先！

是日天氣有少少炎熱，尋日生日會交收左游水片，今日即刻忍唔住想同亞仔落去試水。佢自從食左奶粉之後，真係好似吹波波咁，明顯地重左&肥左。

加埋唔知係BB定係細路B剩返既游水衫，好sharp醒。

同sexy mom影張相....WOW....
估唔到仲著得落，由於餵人奶，明顯上面可以遮既地方唔係好夠，呵呵...

我覺得呢個都係我繼續餵人奶落去既原因之一。
facebook個個話我瘦得咁快，我就覺得係影相加埋Dabi遮得好。

加上肉騰騰爸爸比較之下，嘩哈哈

夜晚就同爺爺一齊落會所燒野食，wow...
有和牛、西班牙黑豬、小龍蝦、虎蝦.....
食到我呢個亞媽lam lam脷。
唔少得梗係best buy既游水chair，可以令到我自在地食。

晚上Meggie同Cathy練車，黎到我地屋企。
Dabi B幾開心。
聽到Meggie講起細路既唔開心野，想喊想喊咁，就諗唔知第時Dabi反叛時，我會點呢？