誤信飛卜的222Days

話說今日我無無聊聊開返自己個飛卜，咁一直我個飛卜都有個結婚日子計算，我間唔時睇自己既飛卜都會睇下結左婚幾多日。

今日都係一樣，仲見到：222Days！

仲即刻9秒9 send左個sms比老公，講左一堆又深情又老套既說話。

咁岩老公今日駕車攞左去整，我自己放工坐車去新城市搵佢，就係咁，就收到意外驚喜....
老公送給老婆既厚禮一份！

我見到個刻，真係又驚又喜架，都係個句，永遠估佢唔到。

兩條友仲鬼咁開心食左個Triple O慶祝！

同一個晚上，兩條友臨訓前...
老公問老婆：「其實我地結左婚幾多個月呀？」(大家呢排只係將個focus放左響寶貝仔身上)
老婆計一計，答老公：「咪就係8個幾月囉，我地12月結婚，最好計架啦！」
之後老婆計一計數，係喎，明明結左婚8個幾月，最少都結婚240日啦，點會222Days？

原來個Program已經唔再function啦～～～

老婆白賺禮物一份！
多謝老公！