小小玩意．紋著彼此名字

呢一個月，我地兩個搞多左結婚既野，其中一樣就係睇結婚介指！

一直我都唔知未來老公既喜好，直至有一次我地去PN睇介指，我先知原來佢既喜好如下：

1. 唔要碎石

2. 唔要有字響介指面

3. 一定要白金

4. 唔要太花巧

呢一個第一次，我先知未來老公既喜好，咁我呢隻豬當然都係呢一刻先知咩係白金，K金同埋純銀，搞到佢地滴曬汗！咁當然我自己都唔知點解好想要白金，但我又唔想乜都無響隻介指上面～

我地呢個多月分別去睇過PN，六叔，周大叔& ctf2，周lung lung，Cartier，V&A...etc

PN - 全部碎石款，又係K金（唔知點解咁多人響個度買介指呢）

Cartier - 情侶又帶，有錢人自己又買，乜人都帶，OUT～

V&A - 一隻乜都無既白金要成萬幾蚊，又幼戴上手又麻麻好睇，我地兩公婆都唔識欣賞

由於見呢D我以為好既出黎我地都睇唔岩，所以去搵返傳統既公司啦！

六叔 - 款式麻麻

周大叔& ctf2 - 兩間因為同公司，款式一模一樣，反而ctf2既服務好少少，而我地都睇中到一對純白金乜款都無既介指

周lung lung - 開頭佢都係搵D乜都無既白金介指比我地，之後又不停說我地要K金，直至我地問佢有無白金鑲鑽，佢先攞Love Diamond系列比我地，本應款式都唔係好岩，正準備閃人之際，佢先搵到以下呢一款比我地兩個！

嘩，我地兩個都係叮一聲既感覺，但個價錢太貴，個日都係即刻閃人～

點知尋日我地同嘉慧一齊去睇完裝修，諗住去旺角睇下，點知再入另一間周lung lung睇，個價錢商宜左，商宜到我地兩個都諗係咪要買啦？

打埋比媽媽之後，佢話放工出黎一齊睇，睇完之後，就係咁，呢一對就係我地既結婚介指啦～

又係白金，又係有鑽石，岩曬～

呢一刻終於明白咩係The One既感覺！