天天都是情人節

公司既同事好早已經響到討論情人節會去邊度慶祝，而早響尋日已經見到街上有女仔無啦啦抱住紮花（呢d男仔一定係想曬命，咪仲咩早一日送jeh?）

而哥哥既情人節禮物就一早已經預備好，收左響衣櫃幾日，直到尋晚佢送我返屋企之前先放響佢枕頭面，等佢有個十派！

咁佢當然就梗係開心啦，話曬都係行貨，對唔住，我女人仔買唔起L鏡，他朝有一日我有錢一定會全部都送L鏡比您～

見到您咁開心，其實我比您還開心^^

影咩後面都可以散曬，勁～

是日當人人都一pair pair既時候，我地就同埋爹爹&嘉慧先去飲茶，再一齊去西田買野，分別係買左一隻鑊，一個麵煲同埋一個爹爹超想買並價值$3000幾蚊既壓力煲。今日接唔到工人，唯有消費一下支持經濟！


情人節當人人都諗出去邊食好既時候，我同哥哥響呢一方面就好有默契，唔會出去比人搶，就算係最後一個情人節（出年叫夫妻節），我地都照舊響屋企煮飯仔，又好味好平！

既然無工人，我地就一人負責一D，當然大大大廚都係哥哥啦～不過嘉慧既餃子雞翼都好得，淨係心機已經贏曬！

見到成屋都係野食，就算一身油煙都好開心！

咁開心當然要開支紅酒同埋有蛋糕啦～

好開心好好味既一餐，就好似我同媽媽咁講，唔駛特別慶祝，因為日日我同您都可以係情人節！

未來老公，情人節快樂！