婆婆，祝您福如東海

今晚係安傑既婆婆生日，我地一齊去左太子打邊爐。

哥哥有講過話不如唔渣車出去，怕泊唔到車，但我又懶，諗住都會搵到位（因為上次無啦啦搵到），點知就出事...

幸好無啦啦響正打邊爐間野出面有個唔係位既車位，我地就泊左埋去，直接入去食野，仲叫嘉慧都係咁泊添！

今日唔知點解峰峰好鬼痴我，一直都響我身邊同我玩，自從上次去低低ｂ度拜年，我氹大舊飯失敗之後，我以為自己無乜小朋友緣，幸好，今次都有個ｂ肯同我玩。佢好搞笑，同妹豬差唔多大，講野雖然無妹豬咁搞鬼，但都會無啦啦語出驚人，笑死我同哥哥。

今晚婆婆生日，話食好少少。點知每人要比$240（係媽媽比），好貴既一餐邊爐，叫媽媽下次都係食返元朗小菜開心d！！！

婆婆，祝您年年生日都兒孫滿堂，健健康康。