話說尋晚迪捷地去左哥哥屋企玩（新年例牌活動之一），我見有時間，今日就跟LP155既人一齊去Ivan屋企拜年，主要原因就梗係逗大利是啦！
舊年佢地有去，今年自己有幸被邀請一齊去，我就渣車去Ivan屋企啦！
未去之前我已經聽聞過好大，但去到我都係「嘩！」真係求其比個位我都大過我間房，仲有BB廁所，食物既款待簡直一流，仲係第一次去人地屋企既餐桌係有轉盤，哈，好似去飲茶咁！
間屋真係好靚，連我自己都忍唔住要影相，風景一流！
當我去玩BB既時候，我響到諗如果我第時個仔響呢間咁既屋長大，佢一定唔肯返Playground，有乜理由間屋既玩具、Play Area會大過間學校？真係不亦樂乎？
沒有留言:
張貼留言