開年

廿五年黎年初二既煙花都唔會有我份，今年第廿六年都唔例外，我地年年都會同女麻女麻食開年飯！

今年一如以往會一早去婆婆屋企食午飯既開年飯，哈哈，今年我仲好乖咁個個都斟茶比佢地飲，梗係啦，每人逗多兩封利是喎，呵呵呵！見到我笑成咁就知我好豐收啦！

由於媽媽（未來奶奶）今日會入帝堡城拜年，我就食完午飯先去帝堡城，同媽媽拜左年先，估唔到佢地已經開緊局，仲有媽媽呢條大水魚添！

晚上我地就去尖沙咀食飯，因為已經封左路既關係，仲可以響馬路上面坐響到影相添！

去到既時候，佢地仲打緊牌。今年Kobe同Siby一人畫左一張揮春送比我地，超開心，仲會拎比您同您講：「大吉大利！」而我都整左個紅色既指甲花應節！

今年多左大表哥同埋玲表姐既利是，呵呵呵，好熱鬧，出年就....我都要派啦！

臨走比媽媽睇中左桃花，話要整相，哈，又幾靚喎～

晚上老友鬼鬼開戰，點知....迪捷好快就已經ByeBye左，仲搞到呢三個老友忙左成晚，搞咩咁醉呀？